|
|
Page de liens vers des vidéos de grands reportages en langue wallonne produites pour la télé wallonophone (sur Youtube) Pådje di hårdêyes eviè des videyos di grands rapoirtaedjes, prodûtes pol tévé waloncåzante (so VoBuze) |
|
|
Page de liens vers des vidéos de grands reportages en langue wallonne produites pour la télé wallonophone (sur Youtube) Pådje di hårdêyes eviè des videyos di grands rapoirtaedjes, prodûtes pol tévé waloncåzante (so VoBuze) |
dierin rapontiaedje - last update: 2020-05-03
Dressêye:
Rapoirtaedjes avou des respondeus waloncåzants (djåzant diferins accints, tertos rissortitrés e rfondou)
Rapoirtaedjes e l' Almagne (accint d' Ôvîfa, sortitrés e rfondou)
Rapoirtaedjes å Marok (sortitrés e rfondou)
Racsegnes
Emile Sullon dit l' sinne so...
Li tchant des Walons
(Respondeu: Emile Sullon, prezinteu: Lucyin Mahin)
Prezintåcion sol tévé waloncåzante
Prumî boket d' on rapoirtaedje sol Tchant des Walons, bråmint rashiou so on responda da Emile Sullon, rascodou a Lidje e moes d' octôbe 1998. Tchantaedje do prumî coplet pa èn efant (avri 2017), pu des deus prumîs pa Marie-Catherine Baclin (cåbaret walon d' Måtche-el-Fåmene e moes d' måss 2014); sortitraedje, montaedje et produjhaedje: Lucyin Mahin pol Rantoele et l' tévé walon-cåzante.
Racsegnes sol tinme
Des cis ki vlèt vni, et des cis ki les volnut bén ou n' les volnut nén rçure
Crijhe bagrece 2015
(Respondeus: Francis Caramin, Léon Thomas, Manfred Lejoly, Huguette Lucy, Octave Jacques, André Jancart, Pierre Otjacques)
Prezintåcion sol tévé waloncåzante
Rapoirtaedje sol bagance, dispu les migråcions des Walons viè l’ Amerike tot passant pa l’ egzôde di 1940, disk’ al crijhe bagrece do 21inme sieke. Respondas des scolîs do walon d’ Bive, di Manfred Lejoly, di migrants afrikins å mitan d’ leu voye viè l’ Urope, et d’ ene Arabe metowe avå les djins el Walonreye; passaedjes del prezintåcion do live d’ Ernesse Benwet a Viyance, so l’ ebagance des Walons å Canada. Les cåzaedjes sont-st e walon (diferins accints) ey e francès d’ Afrike, tertos sortitrés e rfondou walon.
Racsegnes sol tinme
A pî disk' å fén fond d' l' Espagne
Perlinaedje a Sint-Djåke-el-Galice
(Respondeus : Jean Breuskin, ey ene miete Willy Marchal; Dimandeu : Lucien Mahin)
Prezintåcion sol tévé waloncåzante
1ire videyo: Perlinaedje di Djan Breuskin a Sint-Djåke-el-Galice. L’ ome raconta ses deus perlinaedjes di 2002 (di Sint-Djan-Pî-d’-Pôrt) eyet d’ 2009 (do Pwi-e-Vlai) al copinreye di Libin e moes d’ octôbe 2014. On responda fourit rfwait e s’ måjhon e moes d’ måss 2015. Vraiys perlins filmés dilé Villafranca Montes de Oca e moes d’ djulete 2015. Filmaedje, montaedje e sortitraedje e rfondou walon : Lucyin Mahin. Prumire pårteye : I. aprestaedjes, II. voye francesse (Li Pwi-e-Vlai, passaedje di l’ Åbrak, passåjhes des Pirenêyes).
2inme videyo: Shûte do perlinaedje di Djan Breuskin a Sint-Djåke-el-Galice. L’ ome raconta ses deus perlinaedjes di 2002 (di Sint-Djan-Pî-d’-Pôrt) eyet d’ 2009 (do Pwi-e-Vlai) al copinreye di Libin e moes d’ octôbe 2014. On responda fourit rfwait e s’ måjhon e moes d’ måss 2015. Vraiys perlins filmés dilé Villafranca Montes de Oca e moes d’ djulete 2015 et a Aldeanueva del Camino e moes d' setimbe 2015.
3inme videyo: Troejhinme pårteye do perlinaedje di Djan Breuskin a Sint-Djåke-el-Galice (2002 & 2009), avou eto on temonaedje da Wili Marchal k’ î a stî ossu pus timpe (diviè 1990). On djåze del voye espagnole inte Bourgosse et Sint-Djåke-el-Galice, pu l’ rawete di 93 km po taper ses solés a l’ aiwe a Faro. Filmaedje, montaedje e sortitraedje e rfondou walon : Lucyin Mahin.
4inme videyo: Cwatrinme boket des rapoirtaedjes sol perlinaedje a Sint-Djåke el Galice. Resconte di perlins holandès a Libin pa Jean Breuskin (raconté al copinreye di Libin e moes d’ octôbe 2014); rapoirtaedje sol Galice et ses tchmins d' perlinaedje, avou l' arivêye al catedråle Sint-Djåke (setimbe 2016) pa Lucyin Mahin, k' est eto l' filmeu eyet l' produjheu.
5inme videyo: Cénkinme boket des rapoirtaedjes sol perlinaedje a Sint-Djåke-el-Galice. Vizite d’ ene eglijhe Sint-Djåke, li cene di Moncea-e-l’Årdene, avou on ptit responda del wårdeuse di l’ eglijhe, Chantal Copine. Filmaedje et produjhaedje: Lucyin Mahin.
Racsegnes sol tinme
Ene bele pitite eglijhe e fén fond d' l' Årdene
Vizite di l' eglijhe di Bhô
(Prezinteus: Cristian Tirion et Djôzef Dokir)
Prezintåcion sol tévé waloncåzante
Vizite di l’ eglijhe di Bhô (Gouvi) pol samwinne ås lingaedjes del Walonreye, li 27 di setimbe 2015. Cristian Tirion esplike l’ istwere di l’ eglijhe. Djôzef Dokir nos racsegne so les posteures des sints. Filmaedje, montaedje et sortitraedje e rfondou walon : Lucyin Mahin pol tévé waloncåzante.
Racsegnes sol tinme
Veye walone diskinoxhowe
Vizite di Måmdey
(Guide-respondeu : Manfred Lejoly, Dimandeu : Lucien Mahin)
Prezintåcion sol tévé waloncåzante
Vizite di Måmdey dizo l’ moennance da Manfred Lidjouli (li 22 d’ octôbe 2014) : viye abeye, pårotche (catedråle), essegne, sint Rmåke, Noyé 44, sôdårs walons e l’ årmêye almande el guere di 14 et el guere di 40; filmé et prodût pa Lucyin Mahin pol tévé walon-cåzante.
Racsegnes sol tinme
Onk des dierins moléns d' Walonreye
Li molén a l' aiwe d' Ôdegne
(Guide-respondeu : Odon Dethise, Dimandeu : Lucien Mahin, Prezinteu et adjinçneu do radjoû : André Lamborelle)
Prezintåcion sol tévé waloncåzante
Mostraedje do molén d’ Ôdegne, onk des dierins moléns di Walonreye ki toûrne co. Odon Detîsse, li mônî et Djislinne Gaspård, li mônresse, esplicnut les pondants et les djondants do tournaedje do molén : istwere, sourdant d’ l’ aiwe, schoyaedje del blé, rabiyaedje des pires, li boultreye... Radjoû adjinçné pa André Lamborelle, li 23 d’ måss 2014. Filmaedje, montaedje et sortitraedje e rfondou walon : Lucyin Mahin, pol tévé waloncåzante.
Racsegnes sol tinme
L' Almagne, dilé nost ouxh
Vizite d' Åxhe
(Guide-respondeu : Manfred Lejoly, Dimandeu : Lucien Mahin)
Prezintåcion sol tévé waloncåzante
Vizitaedje del veye d’ Åxhe (Aisse, Aachen, Aix-la-chapelle) avou Manfred Lejoly, li 13 di måss 2014. Li catedråle, li måjhon d’ veye, les tchôdès aiwes. Filmaedje, montaedje et sortitraedje e rfondou walon : Lucyin Mahin, pol tévé waloncåzante.
Racsegnes sol tinme
Enerdjeye prôpe e l' Walonreye
Les olyinnes di Bive
(Guide-respondeu : Louis Baijot, Dimandeu : Lucien Mahin)
Prezintåcion sol tévé waloncåzante
Rapoirtaedje so les olyinnes (tourniketreye) di Bive; esplikeu : Louwis Baidjot; filmeu et produjheu : Lucyin Mahin (e moes d' octôbe 2010).
Racsegnes sol tinme
Viyès môdes del Walonreye
Touwaedje do pourcea
Prezintåcion sol tévé waloncåzante
On towe li pourcea (al viye môde) : di l' aprestaedje å screpaedje.
Racsegnes sol tinme
Èn instrumint d' muzike walon
Li pipsak
(Mostreu-djouweu : Jean Cayron, Dimandeus : Georges Sfasie et Lucien Mahin)
Prezintåcion sol tévé waloncåzante
Djouwaedje et esplicaedje d' on pipsak pa Djan Cayron å mwaisse raploû del Soce Nén Recwårlante "Li Rantoele" li 8 di måss 2008 a Nameur.
Racsegnes sol tinme
Avou on fjheu d' instrumints d' muzike
Amon l' lutî
(Mostreu-djouweu : Willy Marchal, dimandeu : Lucien Mahin)
Prezintåcion sol tévé waloncåzante
Willy Marchal nos djåze di si pasmint d' tins : li fjhaedje d' instrumints d' muzike. Responda e moes d' måss 2010 ramexhné et filmé pa Lucyin Mahin.
Racsegnes sol tinme
Po rén et estra po vosse santé
L' aiwe di beyôle
(Lucien & Youssef Mahin)
Prezintåcion sol tévé waloncåzante
Rascodaedje di l' aiwe (seuve) di beyôle (cåzaedje et filmaedje : Lucyin & Djôzef Mahin, e moes d' måss 2008 & 2009).
Racsegnes sol tinme
Veye d' Almagne k' åreut polou esse el Beldjike
Mondjoye
(Guide-respondeu : Manfred Lejoly, Dimandeu : Lucien Mahin)
Prezintåcion sol tévé waloncåzante
Pormoennåde a Mondjoye dizo l’ moennance da Manfred Lejoly (11 d’ octôbe 2012) ; filmé et prodût pa Lucyin Mahin pol tévé walon-cåzante.
Racsegnes sol tinme
Distindous volcans sol soû del Walonreye
Les volcans d' l' Efel
(Guide-respondeu : Manfred Lejoly, Dimandeu : Lucien Mahin)
Prezintåcion sol tévé waloncåzante
Pormoennåde a Mondjoye dizo l’ moennance da Manfred Lejoly (11 d’ octôbe 2012) ; filmé et prodût pa Lucyin Mahin pol tévé walon-cåzante.
Racsegnes sol tinme
Rotans ezès montinnes d' Afrike
Pormoenneuses di l' Atlasse
Prezintåcion sol tévé waloncåzante
Rapoirtaedje so on rotaedje ezès montinnes e l' Atlasse e moes d' setimbe 2011. Videyo filmêye et prodûte pa Lucyin Mahin.
Racsegnes sol tinme
Li touwaedje do bedot å Marok, di A a Z
Fiesse di l' ofrixhaedje
Prezintåcion sol tévé waloncåzante
Rapoirtaedje sol fiesse do bedot e Marok. Filmé a Asfi (portchesseus) et Cazablanca e moes d’ decimbe 2007 ey a Sidi Smayil e moes d’ decimbe 2008. Monté e moes d’ octôbe 2012. Filmaedje et produjhaedje : Lucyin Mahin pol Rantoele eyet l’ tévé walon-cåzante.
Racsegnes sol tinme
Des acleveus a pårt
Amon les fåcnîs
Prezintåcion sol tévé waloncåzante
Rapoirtaedje amon des fåcnîs et wôtoursîs do viyaedje di Mohammediyyin, el comene di Qwassem, dins l’ payis Douccala, å Marok (videyo filmêye et prodûte pol tévé waloncåzante pa Lucyin Mahin).
Racsegnes sol tinme
On rcwerou prodût
L' ôle d' argane
Prezintåcion sol tévé waloncåzante
Rapoirtaedje so l' arganî eyet li produjhaedje di l' ôle d' argane å Marok. Ses uzaedjes po magnî et po sognî l' pea, et po nouri les biesses avou l' tortea.
Racsegnes sol tinme
On pôrt å Marok
Li pôrt d' Asfi (Safi)
Prezintåcion sol tévé waloncåzante
Rapoirtaedje sol pôrt d' Asfi, å Marok, fwait pa Lucyin Mahin pol Rantoele et l' tévé walon-cåzante.
Racsegnes sol tinme
