Page de liens vers des vidéos de réunions et activités en langue wallonne produites pour la télé wallonophone (sur Youtube)

Pådje di hårdêyes eviè des videyos d' etrevéns ås waloneus, prodûtes pol tévé waloncåzante (so VoBuze)

 dierin rapontiaedje - last update: 2023-03-25

Dressêye:

Djivêye des raploûs ås waloneus filmés

Racsegnes


Raploû do Coirneu a Hu

Les nos d' famile

(Cåzaedje: Jean-Pierre Dumont / Jean Germain)

Prezintåcion sol tévé waloncåzante

Conferince so les nos d’ famile å Coirneu a Hu pa Djan Djermwin (li prumî côp k’ el fwait e walon), li 18 di setimbe 2001 ; raploû adjinçné pa Djan-Pire Dumont; filmaedje so cassete videyo: Guy Munster; éndjolijhaedje : Bouazza Sedqi ; ripicaedje, montaedje et sortitraedje e rfondou walon : Lucyin Mahin.

Racsegnes sol tinme


Fiesse ås lingaedjes walons 2019

Priyaedje al fiesse di Sint-Houbert po li strimaedje di "Moudes a rvinde" + boket do doblaedje del "Guere des stoeles"

(Boket d' doblaeje: Fabian Beghin)

Prezintåcion sol tévé waloncåzante

Priyaedje å strimaedje do live « Moudes a rvinde » da Lucyin Mahin, et al fiesse adjinçnêye po, avou les efants des scoles di Sint-Houbert et d’ Atrivå pol samwinne ås langues del Walonreye, li 15 di may 2019 a 3 eures di l’ après-nonne. Askepiaedje : Lucyin Mahin ; Adjnçnaedje : Emilie Lecuivre & Fabian Beguin, et les mwaisses et mwaistresses di scole et les scolîs et scloresses des deus plaeces.

Racsegnes sol tinme

Bokets des spitchs / doblaedje "li royinne del nivaye"

(Fabian Beghin & Lucien Mahin)

Prezintåcion sol tévé waloncåzante

Emey li fiesse ås lingaedjes walons 2019, raploû å Bork (Sint-Houbert veye) li 15 di may 2019, po li strimaedje do live « Moudes a rvinde » da Lucyin Mahin (enimådjaedje et ratournaedje e francès pa José Schoovaerts, adrovaedje da Jacques Desmet) eplaidî på Muzêye do Pårlaedje e l’ Årdene, avou prezintaedje des pordjets adjinçnés pa les efants des scoles di Sint-Houbert et d’ Atrivå avou l’ aidance di l’ Aisse del Tuzance Fåmene-Årdene po les comenes do Hôt d’ l’ Aiwe di Lesse (Emilie Lecuivre & Fabian Beghin); filmeu, produjheu et scrijheu do sortitraedje e rfondou walon : Lucyin Mahin.

Tchanson "So nosse voye"

(Black M, Fabian Beghin, Lucien Mahin & Floraline Meunier)

Prezintåcion sol tévé waloncåzante

Aprestaedjes odio d’ on clip videyo del tchanson « So nosse voye » redjårbêye e walon pa Lucyin Mahin; acpagntaedje å piyano, eredjistrumint eyet maxhaedje di son éndjolike: Fabian Beghin; tchantaedje et cåzaedje rape : Lucyin Mahin, Fabian Beghin, scolîs et scolresses del classe di 5inme anêye del sicole libe di Sint-Houbert, Floraline Meunier ; li clip videyo fourit prezinté al fiesse do strimaedje do live da Lucyin Mahin li 15 di måss 2019 a Sint-Houbert et wangnî on pris des pordjets subzidyîs pal Fiesse ås lingaedjes walons, ey adon, esse prezinté a Lidje li 18 di may 2019, pu so Tévé-Lux e moes d’ setimbe 2019 pa Michel Francard. Videyo di l’ aprestaedje odio prodûte pa Lucyin Mahin pol tévé walon-cåzante.

Micro-metraedje "Li scole foû scwere"

(Fabian Beghin & Lucien Mahin)

Prezintåcion sol tévé waloncåzante

Micro-metraedje (tot ptit fime) « Li scole foû scwere » prodût avou les scolîs di 4inme anêye del sicole di Sint-Houbert (mwaisse di scole : Pascal Vincent) pol « fiesse ås lingaedjes walons » 2019. Sinnario et filmaedje : Fabian Beghin ; tecse walon, sortitraedje e rfondou walon eyet foû-vwès : Lucien Mahin ; djenerike : tchanson « so nosse voye » tecse walon da Lucyin Mahin, tchanté avou les scolîs di 5inme anêye (dame di scole : Floraline Meunier) ; li fime a stî mostré l’ prumî côp e Bork li 15 di may 2019, po li strimaedje do live « Moudes a rvinde » da Lucyin Mahin avou les ôtes pordjets adjinçnés avou l’ aidance di l’ Aisse del Tuzance Fåmene-Årdene po les comenes do Hôt d’ l’ Aiwe di Lesse (Emilie Lecuivre).


Fiesse ås lingaedjes walons

Ocupaedjes coinreces et mwaisse ashyinne a Nameur

(Prezintaedje: Christine Decock)

Prezintåcion sol tévé waloncåzante

Prumî boket d' on rapoirtaedje sol Fiesse ås lingaedjes walons 2018; Ocupaedjes coinreces a Bive et Rotchfoirt; mwaisse ashyinne a Nameur la k’ Christine Decock ascoye Geneviève Lazaron divant l’ tchantaedje di troes coplets li “Tchant des Walons” emey tchapele pa ene pitite sicolresse. Pu l’ prezintaedje des mayeurs k’ ont siné l’ convincion “Nosse comene dit oyi”; adon, onk did zels, li ci d’ Hu, nos vént dire les accions ki sont ddja e-n alaedje dins s’ comene. Tchansons d’adrovaedje et d’ cloyaedje pa les tchanteus d’ dicåce; sortitraedje e rfondou walon, montaedje et produjhaedje: Lucyin Mahin pol Rantoele et l' tévé waloncåzante.

Racsegnes sol tinme


Fiesse ås lingaedjes walons 2017

Ronde tåve: pocwè scrire e walon?

(Dimandeu: Michel Francard; Respondeus: Dominique Heymans, Jean-Luc Fauconnier, Joseph Dewez, Jacques Warnier, Joël Thiry, Lucien Mahin

Prezintåcion sol tévé waloncåzante

Deujhinme, troejhinme boket d' on rapoirtaedje sol Fiesse ås lingaedjes walons 2017; shijh sicrijheus e walon (Dominique Heymans, Jean-Luc Fauconnier, Joseph Dewez, Jacques Warnier, Joël Thiry, Lucien Mahin) î deynut pocwè i screynut e walon, respondant a Michel Francard. Tchansons d’ adrovaedje et d’ cloyaedje saetcheye do concert des Crapådes, ki cloya l’ djournêye; filmaedje del ronde tåve: Jean Cayron; sortitraedje e rfondou walon, montaedje et produjhaedje: Lucyin Mahin pol Rantoele et l' tévé waloncåzante.

Racsegnes sol tinme


Fiesse ås lingaedjes walons

Adrovaedje oficire do grand raploû 2017

(Prezintaedje: Christine Decock)

Prezintåcion sol tévé waloncåzante

Prumî boket d' on rapoirtaedje sol Fiesse ås lingaedjes walons 2017; Christine Decock ascoye les priyeyes d’ oneur (li minisse Eliane Tillieux, li pårlumintresse Geneviève Lazaron et li scabene Cécile Crèvecoeur) ki deynut totes les troes on ptit boket e walon; adon-pwis, gn a ene pitite båshele ki tchante li “Tchant des Walons” emey tchapele. Tchanson d’adrovaedje et d’ cloyaedje “cand i fwait tchôd” saetchî do concert des Crapådes, ki cloya l’ djournêye; sortitraedje e rfondou walon, montaedje et produjhaedje: Lucyin Mahin pol Rantoele et l' tévé waloncåzante.

Racsegnes sol tinme


Scoles di Bive: scoles pa les scolîs

Li matoufè

(Tecse et cåzaedje: Julie Wanlin)

Prezintåcion sol tévé waloncåzante

Ås scoles di Bive, a l’ ashyinne do 5 d’ avri 2016, c’ est les scolîs ki fjhèt scole. Julie Wanlin prezinte li rcete do matoufè. Muzike d’ intrêye et d’ rexhowe : tchanson sol minme tinme. Filmaedje, montaedje et sortitraedje : Lucyin Mahin, pol tévé waloncåzante.

Racsegnes sol tinme


Pol fiesse ås langues di Walonreye

Vizite di l' eglijhe di Bhô

(Cåzaedje : Cristian Tirion spoté "Li Blawete" et Djôzef Dokir)

Prezintåcion sol tévé waloncåzante

Vizite di l’ eglijhe di Bhô (Gouvi) pol samwinne ås lingaedjes del Walonreye, li 27 di setimbe 2015. Cristian Tirion esplike l’ istwere di l’ eglijhe. Djôzef Dokir nos racsegne so les posteures des sints. Filmaedje, montaedje et sortitraedje e rfondou walon : Lucyin Mahin pol tévé waloncåzante.

Racsegnes sol tinme


Pol fiesse ås langues di Walonreye

Après-nonne e walon a Gouvi

(Cåzaedje : Philippe Bauduin et Serge Burnay, Adjinçnaedje : Cristian Tirion spoté "Li Blawete")

Prezintåcion sol tévé waloncåzante

Après-nonne e walon å tchestea d» Gouvi, li 27 di setimbe 2015 pol samwinne ås langues walones 2015. L’ ocupaedje aveut stou adjinçné pa Cristian Tirion avou l’ åjhmince do mayeur di Gouvi et l’ aidance des ovrîs del comene, ådvins d’ ene djournêye « ouxhs å lådje » e tchestea d’ Gouvi.
Li Flipe Bådwin prezinte li tchestea d’ Gouvi; des ptitès båsheles del sicole recitèt ene sinnete aprinjhe pol bate « Lére sins rlåtche »
Adon-pwis, Flipe nos dit li spoûle do måssotea d’ Båclin.
Po fini, Siedje Burnea nos esplike si ptit molon : acleveu d’ colon d’ concours.
Filmaedje, montaedje et sortitraedje e rfondou walon : Lucyin Mahin

Racsegnes sol tinme


Raploû sol veye da Colas Bosret

Nicolas Bosret et l' flûte a l' agnon

(Cåzaedje : Joëlle Spierkel, Adjinçnaedje : Christine Decock)

Prezintåcion sol tévé waloncåzante

Prezintaedje del veye da Colas Bosret, et l’ askepiaedje del soce des Cwarante Molons. C’ est Djowele Spierkel ki raconte (so on tecse da sinne), pu nos mostrer kimint abocter ene flûte a l’ agnon. Li raploû, adjinçné pa Christine Decock, ès passa li 13 d’ octôbe 2013 al bibioteke del veye di Nameur. Filmaedje, montaedje et sortitraedje e rfondou walon : Lucyin Mahin, pol tévé waloncåzante.

Racsegnes sol tinme


Asyinne al sicole di walon d' Nameur

Sicole d' après les vacances

(Cåzaedje : Chantal Denis et ses scolîs; Adjinçnaedje : Chantal Denis et Jacques Desmet)

Prezintåcion sol tévé waloncåzante

Rapoirtaedje sol sicole di walon Lucyin Somme di Nameur, ashyinne do 3 d’ octôbe 2013. Li videyo cmince pa on responda da Chantal Denis (li prof del sicole di walon) li 9 d’ octôbe 2002 a Transene. Adon, les scolîs racontèt leu vacances. Deus d’ zels ont stî vey les Walons del Wisconsene. Li filmaedje court foû avou ene tchanson da André Henin, tchanté pa deus scolîs. Filmaedje, montaedje et sortitraedje : Lucyin Mahin, pol tévé waloncåzante.

Racsegnes sol tinme


Pormoennåde ezès troufreyes di Libin

Troufreye, apeles et vos nd åros

(Cåzaedje : Joëlle Spierkel, Manfred Lejoly, Jacques Dupuis; Adjinçnaedje : Lucien Mahin)

Prezintåcion sol tévé waloncåzante

Pormoennåde so les troufreyes (troufires) di Glaireuse-Ôtchamp (comene di Libin) moennêye pa Sara Cristofoli (Life-Lomme), avou des esplikêyes da Manfred Lejoly, kinoxheu des biyonaxhes del Hôte Fagne. Djowele Spierkel mostere kimint xhiner des tchant d' oujheas avou des apeles fwaites pa lu-minme. Bate di dvizes al « Wåmire », on cåbaret d’ Transene, so les troufreyes et sol walon. Adjinçnaedje, filmaedje et montaedje : Lucyin Mahin, pol tévé waloncåzante.

Racsegnes sol tinme


Prezintaedje des lives da Arthur Schmitz

Sovnances del guere di 40 et do Congo

(Cåzaedje : Pierre Otjacques, Adjinçnaedje : Joël Thiry, Claudine Vos)

Prezintåcion sol tévé waloncåzante

Prezintaedje pa Pire Otdjåke des lives otobiyografikes da Arthur Schmitz "Èn Årdinwès foû di s' payis" eplaidî på Muzêye do Pårlaedje e l' Årdene. Li spitch s' a fwait al copinreye di Bastogne (tinowe pa Claudine Voz), li 22 d 'octôbe 2012. Filmaedje et produjhaedje : Lucyin Mahin.

Racsegnes sol tinme


Raploûs sol walon al fôre ås lives di Brussele

Cwand les Walons rûtièt, pesteler et monter a smince

(Cåzaedjes : Bernard Louis, Lucyin Mahin, Michel Meurée, ? Marcelle; Adjinçnaedje : Nadine Vanwelkenhuysen)

Prezintåcion sol tévé waloncåzante

Bate di dvizes al fôre ås lives di Brussele li 5 di måss 2009 ("Cwand les Walons rûtièt, pesteler et monter a smince"); pu prezintaedje di deus lives e walon eplaidîs enawaire : portrait da Louis Marcelle & lijhaedje di haycous da Jean-Luc Fauconnier.

Racsegnes sol tinme