Information sur le wallon dans les journaux.

Gazetes ki djåzèt do walon.

 

Dressêye:


Le soir, 10 d' avri 2001

I gn aveût dins "Le Soir" d' ènut' (p. 20) on ptit papî co intèressant.

Deus cints scouts flaminds discovrèt li walon.

Vola èn an qui les chefs do chiro (patro) aprustèt pontieûzmint leû trofêye, li noûvinme [...] qui s' frè ène sadju èl Walon'rèye.

[...]

"Li sudjet, ciste annêye ci, c' est li walon" di-st i tot sorîre li Peter Mortier, onk des ôrganizateûrs. "Nos avans ovré avou li ptit Assimil walon po fé des advinias. A costé, nos avans mètou li nombe di lètes dins l' mot qu' i fåt trover. Bråmint cnochèt 'ne picîye di
francès, çu quelzès pout êdî, mins tot l' minme, qwand "descendre" divént "diskinde"... Nén åhèy! Ou co: "crwèzemint sins sauvion", i fåt savu qui ça vout dîre "carrefour sans sable"!

Po l' trofêye di ciste annêye ci, nos avans volou esse pus près des Walons. Après tot, nos vnans porminer dins leû payis tchèke annêye. Li mons qu' nos polans fé, c' est di nos intèresser on pô a leû lingadje. Nos ôtes, les Flaminds, nos estans todi tot pètés d' aprinde qu' i gn a pus qu' les vîyès djins qui djåzèt l' walon, adon qu' amon nos ôtes, èl Flande, tot l' monde kinoche li pårler di s' cwane. Tant qu' a mi, dj' a stî estchanté på walon tins qu' nos fyins les apresses: "écureuil" si dit "spirou"! Dji pinséve qui c' esteût l' no d' ène gazète po l's èfants!"

Les djoweûs duvront discovri 27 rimarkes vizuwéles, avou treûs mots walons a tchèke fèye, po fé treûs porminådes-discoviètes di 7 a 8 km.
[...].


Lorint Hendschel, disso: "Viker", 10-04-2001.


(Page des journaux publiant des textes en wallon). Pitites gazetes avou do walon.

(Page des revues wallonnes). Pådje des rvowes e walon.

 (textes en wallon sur les media) Pådje des medias.

 Echos de la presse lors de la manifestaion pour le wallon à la télévision (1997).

La prestation de serment de Claude Snaps en wallon: coupure de presse.

 (Back index par sujet); Alans rzè a l' edesse des sudjets.

(Back homepage) Alans rzè al mwaisse-pådje.

(Back textes en wallon commun) Ralans sol pådje des scrijhaedjes e rfondou walon.